عادتك ولا هتشتريها
تقول الاسرار وتبوح بيها
مش بيهم مشاعر ناس
بتنجرح من الكلام عليها
قلبى قالك على الحقيقية
ووعدته تصونها وتخفيها
بس طلعت ناشر عظيم
بتقول الاسرار وتزود عليها
حلمت تكون لاسرارى صاين
ومن عيون الناس تحميها
واتارى حميها بينشر فيها
ولاعمره مره خاف عليها
سمعها منى وقالها عنى
وماهنش عليه يحتفظ بيها
قال لعبة هتسلى بيها
وهستفاد ايه لما اخبيها
طفلة فى الوهم عايشة
وماله لما اجرح عنيها
افتكرت نفسها لقلبى عاشقة
وانى كمان بدوب فيها
فكرانى فتى الاحلام
وجى امسح دمعة عنيها
ادتنى اوام الامان
وحكتلى عن ماضيها
قالتلى ايامى كانت عذاب
وياريت انت بحبك تحيها
ولاعمر كلامها اثر فيه
اصل انا كنت ناويها
اجرح قلوب صينانى
وانشر للعالم خطاويها
أذوق قلبها المرار
واسيبه يتوجع فى لياليها
ارميها بأيدى فى النار
وقلبى يقولى خليها
اهى تجرب تحتار
وبكرة الايام تداويها
ومهما قلبى يجرح فيها
هترجع لو بكلمة اراضيها
ولو احتاجها فى يوم
من النار اخد بأديها
يعنى تبقى فى الاحتياطى
ولما اعوزها ارجع ليها
بكلمة منى تصحى مشاعرها
والقصة تانى تعيد نفسيها
ومفيش انا لوم عليه
وايه يعنى بضحك عليها
ده ذنبها انها حبتنى
ما القلوب كانت حواليها
مش ده برده رأيك
ولافى كلمه مداريها
ياخسارة ماحسبتهاش كويس
ومشاعرى ماحفظتش عليها
ومعملتش فى يوم حساب
انك هترجع مش هتلاقيها
اصلى خلاص قلبى فاق
وكل ذكرة مرة هرميها
وقررت اعيد الحساب
وحياتى من غيرك هبتديها
