قلتلها ايه تانى عن حبى وحنانى
حصدت ايه يعنى غير دمعى واشجانى
صدفة ولا كنت ناوى بغدر سهمك تقتل الامانى
بكلامها وسألها وضحكها وبصوتها كنت بتتحدانى
فرحت قلبها باخلاصك وسبتنى من غدرك اعانى
طب كنت ادينى فرصة اوصفلها حبى الجوانى
لتكون ظنه فيه حاجة ولا غلط فهمانى
ده يادوب كان اعجاب بقلب حبه اغرانى
شدنى من بين العيون وعن الحقيقة اعمانى
حلمت معاه بالسكون اصله بحنانه احيانى
ورسمتله صورة مزيفة وطبعت اسمه فى احضانى
وصحيت على واقع مر وشخص معايا كان انانى
استكتر عليه قلبه مع انى اديته حنانى
كنت فكراه للعهد صاين واتاريه بينشر الحانى
دموع الندم بجد خسارة فى اللى بجرحه ملانى
أخسر حبه واشترى قلبى عندى افضل من حرمانى
وقلبى بعده مش هيعانى اصله جرحه فيه قوانى
وصدى الجرح جوه منى هينسينى الى خانى
ويخرجنى من احزانى ويخلينى اعيش من تانى
انسى همى ويه حزنى واهرب من اللى بكانى
هتعبلى يومين وارتاح سنين ويضحكلى من تانى زمانى
