أعذرينى يا حبيبتى ..
حلمى بس ما يكفكيش
مش هانقدر نبنى دنيا ..
أو على الأحلام نعيش
من حياتنا أى شىء ما بنملكوش
الأمل أصبح سراب ..
حلم بكره وهم مش ممكن يعيش
دنيا دايره ..
تقتل أمانينا ..
تحرق قلوبنا ..
دمعنا ما بينتهيش!!
حلمنا دايماً بيضعف ..
والليالى ظلمها ما بيرحموش
حلمنا هايموت فى يوم ..
فى الزمان ده ازاى يعيش!!؟
فى زمانا البسمه تزحف ..
والألم بجناح وريــش !!
من القلوب الضحكه خلصت ..
والهموم ما بتنتهيش!!
رغم أحزانا ..
ممكن يا حبيبتى حلمنا يقدر يعيش ؟؟؟
متسأليش !!
وأعذرينى ..
حلمى بس ما يكفيكيش!!
