أخوتى الكرام أعضاء المنتدى، حباً فيكم ، وحباً فى الشعر ، يسرنى ان أقدم لكم ديوانى الخاص وهو بعنوان (مشتاق للدفا) وهو بالعامية المصرية أرجو أن يعجبكم وينال رضاكم.
من قصيدة (يـــا)
يا أرض بور ..
مافهاش لا زاد ولا مَـىِّ
يا سِكه سَـكه ..
عَ الأمل والضى
أنا لسَّه عايش ..
رغم إن الروح ..
مش حاسه خالص إنى واحد حىِّ !!
*****
يا حلم ضاع فى القلب ..
جوه الروح
يا حَـد سيف السُكات ..
يقطع لسان البوح
أنا لسه عشمان ف اللى جاى ..
يفتح بيبان الكلام ..
حتى ولو بالنوح
*****
يا ألف حرف ومخنوقين ..
فوق اللسان
يا ألف حلم ومحبوسين ..
خلف البيبان
أنا لسه كاتم صرختى فى الحلق ..
لكنى خايف يطلع الصوت مِ الودان !!
هل أعجبتكم، أرجو ذلك، عموماً من أراد قراءة الديوان يمكنه تحميل نسخة إلكترونيه منه بحجم 5.5 ميجا موجودة على الرابط التالى:
